DÍA DE ROSALÍA 2025

    Igual que cada ano, no Pedro Caselles, celebramos o día de Rosalía. Como o 23 cae en domingo, decidimos facelo este venres. Tódolos nenos e nenas do Caselles se xuntaron para facer un mural cooperativo. Centos de imaxes  de vivas cores celebraron  a Rosalía máis festeira. 

    A propia Rosalía fixo acto de presencia para escoitar os seus poemas na voz dos nosos nenos e nenas, poemas de "Cantares Gallegos" que pasaron a formar parte do noso mural "A nosa Rosalía festeira"

    Nun ambiente festeiro Rosalía de Castro reivindicouse ante o noso alumnado como galeguista e feminista, pediulles que comezaran a falar galego e pediulles que lle cantaran "Parabéns pra voçe",  a cantiga de aniversario que máis lle gusta.

    Foi un acto emocionante e divertido, alentando a lenda da nosa gran Rosalía.

Para ver máis fotos preme AQUÍ.

DÍA DA NON VIOLENCIA E DA PAZ 2025

 

    Hoxe, 30 de xaneiro de 2025, as nenas e nenos do Caselles celebramos o noso acto pola Paz neste Día Escolar da Non Violencia e da Paz. Fixemos unha andaina silenciosa por aqueles que non teñen tanta sorte coma nós e, despois, lemos os manifestos pola paz que cada curso fixo. Logo eses manifestos pasaron a formar parte do noso mural da Paz. 

     Tamén aproveitamos a significancia da data para facer unha colecta en favor SOGAPS, unha asociación de axuda ao Sáhara, que se encarga cada verán de traer nenas e nenos a pasar aquí unhas pequenas vacacións. 

 Podedes ver máis fotos premendo na primeira imaxe.

SAMAÍN 2024

    Polo Samaín os nosos cativos e cativas puxéronse do máis creativos! Disfraces apaixonantes, merendas terroríficas, relatos de medo, debuxos arrepiantes, cabazas do máis creativas... 🎃

Grazas, familias, pola vosa participación e implicación en todas as actividades que facemos!

Podedes ver fotos dos disfraces e cabazas premendo na foto

VIXAINAS, O GALEGO TEN MAXIA

     As vixainas son unhas criaturas máxicas namoradas do galego. Este curso visitaron o Caselles a ver se convencían aos nosos nenos e nenas para falar esta fermosa lingua, porque o galego ten maxia. Elas saben que se morre o galego, morre tamén a maxia da nosa terra.

Podes velo premendo AQUÍ

SEMANA CULTURAL 2024

     Como xa ven sendo habitual cada curso, coincidindo co Día das Letras Galegas, o CEP Pedro Caselles Beltrán celebrou a súa Semana Cultural.

    O martes as nenas e nenos do colexio xuntáronse para visualizar os traballos do alumnado de sexto nos obradoiros, este ano adicados ao cinema. Podedes ver algunhas mostras do seu traballo nos seguintes vídeos:

O mércores tivemos a actuación do marabilloso Ce Orquestra Pantasma e un pequeno festival a cargo das nenas e nenos do 1º Ciclo, que nos fixeron coñecer un pouco mellor a Luísa Villalta.

DÍA DE ROSALÍA 2024

 Hoxe as nenas e nenos do CEP Pedro Caselles Beltrán celebraron o día de Rosalía dunha forma moi especial. Entre todos montaron o herbario e o xardín de Rosalía, e para facelo buscaron a información nas súas poesías.

E, como cada ano, a propia Rosalía de Castro, quixo estar presente. Como nos gusta recibir a súa visita. Se queredes ver tódalas fotos, premede nas imaxes AQUÍ

ENTROIDO 2024

Día de Entroido! ... e... tamén día de chuvia, así que houbo que facer un plan B. Este ano tivemos uns disfraces de cine: "Harry Potter", "Familia Adams", "Up", "O pequeno vampiro", superheroes e "A guerra das galaxias". 

 Fixemos as tradicionais fotos de grupo e despois desfilamos, recitamos as coplas de Entroido e bailamos no ximnasio. Pasámolo moi ben, con chuvia e todo. Para ver tódalas fotos, preme na imaxe.