APLICACIÓN XABARÍN CLUB

A páxina web do portal da lingua vén de anunciar unha nova aplicación  onde a CRTVG ofrece xa a súa programación infantil, Xabarín TVG, dispoñible para móbiles e tabletas, con todas as series de animación en galego que se emiten pola TVG2 dentro do espazo Xabarín Club. 
O seu valor principal é que é a única para cativas e cativos con contidos audiovisuais exclusivamente en galego.

Facede clic na imaxe por se vos interesa.

O PAPAGAIO

Vén de nacer un novo xornal en papel, dirixido especialmente a nenos e nenas de Primaria e Secundaria. Chámase O Papagaio, ten periodicidade mensual (dez números ao ano, descansando no verán), 12 páxinas a toda cor e publícase integramente en galego.

Curiosamente no número 1 aparece unha sección de contos e lendas (parte da nosa temática do proxecto de centro) na que o Ceip Santa María do Castro de Boiro relata da súa contorna: As torres de Goián  e sobre unha moura ( A moura dos castros de Neixón).

Aquí podedes ler o número un, de balde.

https://www.flipsnack.com/opapagaio/o-papagaio.html

Está impulsado por Edicións moito conto, inclúe temas de actualidade e empresta unha atención especial á ciencia, tecnoloxía, ecoloxía, historia, arte, cultura, integración e banda deseñada.

Na páxina de Edicións moito conto (http://www.edicionsmoitoconto.com/) indícanse os seguintes prezos

VENDA POR SUBSCRICIÓN ANUAL:   

• 64€/ano: 2 exemplares do mesmo número/mes 

• 135€/ano:  10 exemplares do mesmo número/mes 

• 210€/ano: 20 exemplares do mesmo número/mes 

Contacto para máis información:
656838830
edicionsmoitoconto@gmail.com

 

Este curso 2016-2017, dedicaremos o noso traballo a centrarnos no mundo da mitoloxía galega e arte rupestre, coa compañía da nosa mascota do colexio: UNCAS. Con esta entrada, iniciaremos unha nova aventura na que publicaremos todas as actividades que se levarán a cabo, neste curso, relacionadas non só con este proxecto de centro. 
Tamén terán cabida as conmemoracións, a marcha da Radio Escolar e outras actividades e/ou recursos. 

Benvidos, de novo, ao mundo apaixoante do CASELLES NORMALIZA!!!!