6/27/2022
5/18/2022
FESTIVAL DAS LETRAS GALEGAS 2022
Como xa é habitual dende fai anos, as nenas e nenos de 1º e 2º de Primaria, son os encargados de facer o Festival das Letras Galegas. Este ano xa o puidemos celebrar sen as máscaras, pero non con normalidade, pois faltaban as familias entre o público. Con sorte, para o curso que ven a normalidade será plena.
O alumnado de 2º presentou o acto, homenaxeou a Florencio Delgado e fixo unha pequena obriña sobre o Camiño de Santiago. Para ver fotos preme na imaxe.
Podedes ver o festival completo no seguinte vídeo:
Como remate da xornada tivemos ao mellor contador de historias do mundo, Celsiño. Financiado pola ANPA Mosteiro fixo as delicias dos nenos e nenas coas súas historias e cancións.
2/25/2022
ENTROIDO 2022
Despois do parón do coronavirus, o Entroido volveu ao Caselles, con moita forza e ilusión. Este ano, baixo o lema "Tomiño no camiño" enchemos o Seixo de homenaxe ao Camiño de Santiago: Os peregríns do século XII de 1º e 2º curso, os zombies-peregríns de 3º, as Marías de 4º, os peregrinos modernos de 5º e os mollóns do camiño de 6º.
Xa botábamos de menos un pouquiño de normalidade, e os nenos e nenas pasárono en grande. As beirarrúas estaban cheas de espectadores e expectación. Un gran día!
Agradecer as tres nais da ANPA Mosteiro o seu tempo, pois mentres nós desfilábamos elas preparaban un delicioso chocolate con churros que nenas e nenos tomaron ao chegar. Moitas Grazas!!
Para ver tódalas fotos, preme na imaxe.
1/31/2022
DÍA DA PAZ 2022
Ao ritmo de "Apertas que voan" de Paco Nogueiras celebramos hoxe o día da paz. Nenas e nenos de tódolos cursos, saíron ao patio para formar ben grande a palabra paz. Unha verba que sempre debería estar nos nosos beizos e na nosa mente. PAZ
Preme na foto para ver máis imaxes do evento
10/24/2021
FESTA DO OUTONO 2021
Por primeira vez, despois de dous anos, tivemos unha celebración con tintes de normalidade. Faltounos a presenza e o calor das familias, e os diferentes niveis non se puideron mesturar, pero aínda así, a nosa festa do outono, xa nos recordou a outras épocas, na que o coronavirus non controlaba a nosa existencia.
Empezamos a primeira hora coas carreiras por niveis. Todos os nenos e nenas do Caselles fixeron a súa carreira na medida das súas posibilidades e gozando ao máximo.
Rematada a carreira, e despois dun pequeno recreo, comezaron os xogos populares: marro, soga-tira, carreira de sacos, a ferradura, a ra, brilé, buxainas, mariola, chave, as catro esquinas e zancos. Todos estes xogos estiveron controlados por uns monitores e monitoras moi especiais, as nenas e nenos de sexto curso. Ao mesmo tempo outro grupiño estivo facendo as fogueiras e asando as castañas. Temos que felicitar o bo facer e o alto nivel de competencia destes axudantes.
E xa como remate de xornada, degustación das castañas asadas. Estaban boísimas!!!
O dito, non foi normalidade, pero parecíase bastante.
Para ver as fotos da xornada, preme AQUÍ
6/28/2021
5/15/2021
SEMANA CULTURAL
Dentro da Semana Cultural, dende o equipo de normalizacion e dinamización da Lingua Galega, organizouse unha actividade conxunta recollendo palabras da nosa lingua que atanxía diferente tipo de vocabulario, como as relacionadas coa casa, o tempo meterolóxico, as emocións, os xogos, a fauna ou a flora,...
Aquí tedes o resultado este video:
Como remate da Semana Cultural e coas condicións meteorolóxicas favorables rematamos dita semana coa celebración do Festival das Letras galegas.
Os protagonistas e o peso leváronno os nenos e nenas de 1º e 2º de primaria pero houbo distintas participacións doutros cursos, dando como resultado a unha variedade de actuacións. Dende unha dramatización relacionada coa temática do cole (E-COMEDOR), presentación e recitado adicado á escritora homenaxeada polas Letras Galegas: Xela Arias e, por último, homenaxe a nosa cultura e a nosa contorno.
Ademais entregouselles un diploma aos voluntarios e voluntarias de 5º e 6º de Primaria como recompensa ao seu traballo e esfrozo adicado ao roteiro do día do Libro.
Aquí tedes os videos destas fermosas actuacións que, a pesar dalgúns problemas técnicos de son, os nenos e nenas realizaron espléndidamente.
Subscribirse a:
Publicacións (Atom)