25 DE NOVEMBRO, DÍA CONTRA O MALTRATO Á MULLER

 Este 25 de novembro, como cada ano, celebramos un pequeno acto para concienciar a nenas e nenos  do problema do maltrato á muller. Este ano cun gran mural de bolboretas e a canción de Rozalen "Unha porta violeta" en colaboración con Tanxugueiras. Todos xuntos cantamos e interpretamos o retrouxo en lingua de signos.

FESTA SAMAÍN + MAGOSTO

 No derradeiro día, de clase, de outubro os nenos e nenas viñeron disfrazados de moito medo!

Pasamos polo corredoiro principal do colexio onde os nenos amosaron os seus disfrace, para facer a tradicional foto do grupo, propios desta festividade.

Foi un día distinto onde tiveron un recreo máis longo do habitual e no que tamén tiveron a oportunidade de degustar as castañas que facilitaron as familias. Agradecemos ao personal de cociña , que puideron asalas no forno. A maiores disto, algúns alumnos e alumnas trouxeron doces que trouxeron da casa e que tamén tivemos a oportunidade de probar e desfrutar.

Debido as condicións climatolóxicas non se puido facer as tradicionais fogueiras cos seus correspondentes xogos populares. Unha mágoa!

Pero, ao final da mañá,  en moitas aulas pudieron gozar de varias sesións de películas relacionadas co Samaín.

Foi un día moi terrorificamente divertido!

Facede clic na imaxe para acceder á galeria de fotos!

 

 

FESTA DAS LETRAS GALEGAS

    O CEP Pedro Caselles Beltrán celebrou este venres a súa festa das letras galegas, este ano cunha auténtica troula para homenaxear as cantareiras galegas, a quen vai adicado este ano o día das Letras Galegas. As nosas portas abríronse as familias para que se uniran a troula. 

    Comezamos cun festival na que houbo bailes, cancións, dramatizacións e pinceladas sobre as cantareiras e o seu legado para a lingua e patrimonio galegos. 

     Rematado o festival momento emotivo no que se deu a coñecer o pingüín gañador do concurso organizado polo 2º Ciclo e se descubriu a pancarta do 50 aniversario deste colexio que decorará por un tempo a nosa fachada. 

     E xa como remate troula, música e baile galegos a cargo de músicos da comunidade educativa. Comezaron as pandereteiras do Maragozo amenizando a festa, despois seguiron os membros da treboada "La Bravesca" aos que se uniron mestras, nenos, nenas e algúns familiares cos seus bombos, gaitas e pandeiretas,e... festa rachada. Foron as letras galegas máis divertidas da historia do Caselles. 

    Dende o CEP Pedro Caselles queremos agradecer as pandereteiras do Maragozo e a treboada La Bravesca a súa colaboración desinteresada neste festival das letras galegas.

     As nenas e nenos de sexto foron os encargados da reportaxe fotográfica do evento que podedes ver premendo AQUÍ. 

    E xa só nos queda desexar MIL ANOS MÁIS PARA O GALEGO!!!

 

FESTA DA PRIMAVERA

     Como despedida do trimestre as nenas e nenos do CEP Pedro Caselles tiveron unha xornada moi especial. Unha "vixaina", Garabiza, estivo de visita no colexio e preparoulles unha actividade moi especial compinchada con algunhas profes do centro. 

    Garabiza agochou por todo o patio ducias de bolsiñas con colgantes cheos de maxia que nenas e nenos tiveron que buscar atendendo a unha serie de normas. O comportamento dos equipos foi exemplar, Garabiza estará feliz. Para rematar coas bolsiñas atopadas cada neno e nena fixo un colar. Podedes ver máis fotos premendo  AQUÍ

    Tamén aproveitamos para celebrar o día das artes galegas aprendendo algunhas cousiñas de Isaac Díaz Pardo e facendo un marcapáxinas na súa honra.

ENTROIDO 2025

 

    Espléndido día para celebrar o Entroido no Caselles. Un entroido moi festeiro, porque este ano fomos de troula. Abriu o desfile a festa do Alivio, cos anxiños, as maiordomas, as autoridades, os fogueteiros e a comisión, que ata levou a toura para vender as rifas; detrás as rosquilleiras cunhas rosquillas do máis enxebre; seguía a banda de música, pois é algo que non debe faltar nunha festa; por se non es de bandas, a seguir ían os DJ, os mellores de Tomiño; tampouco faltaron as "pulpeiras" con moito polbo para vender, algo careiro, iso si; e como peche de ouro os festeiro e festeiras dispostos a troulear ata que o corpo aguante. 

 Rematamos o día collendo forzas cunha chocolatada no patio de recreo. 

 Podes ver tódalas fotos premendo na imaxe.

DÍA DE ROSALÍA 2025

    Igual que cada ano, no Pedro Caselles, celebramos o día de Rosalía. Como o 23 cae en domingo, decidimos facelo este venres. Tódolos nenos e nenas do Caselles se xuntaron para facer un mural cooperativo. Centos de imaxes  de vivas cores celebraron  a Rosalía máis festeira. 

    A propia Rosalía fixo acto de presencia para escoitar os seus poemas na voz dos nosos nenos e nenas, poemas de "Cantares Gallegos" que pasaron a formar parte do noso mural "A nosa Rosalía festeira"

    Nun ambiente festeiro Rosalía de Castro reivindicouse ante o noso alumnado como galeguista e feminista, pediulles que comezaran a falar galego e pediulles que lle cantaran "Parabéns pra voçe",  a cantiga de aniversario que máis lle gusta.

    Foi un acto emocionante e divertido, alentando a lenda da nosa gran Rosalía.

Para ver máis fotos preme AQUÍ.

DÍA DA NON VIOLENCIA E DA PAZ 2025

 

    Hoxe, 30 de xaneiro de 2025, as nenas e nenos do Caselles celebramos o noso acto pola Paz neste Día Escolar da Non Violencia e da Paz. Fixemos unha andaina silenciosa por aqueles que non teñen tanta sorte coma nós e, despois, lemos os manifestos pola paz que cada curso fixo. Logo eses manifestos pasaron a formar parte do noso mural da Paz. 

     Tamén aproveitamos a significancia da data para facer unha colecta en favor SOGAPS, unha asociación de axuda ao Sáhara, que se encarga cada verán de traer nenas e nenos a pasar aquí unhas pequenas vacacións. 

 Podedes ver máis fotos premendo na primeira imaxe.